نكت عن طلاب البكالوريا الناجحين والراسبين

السلام عليكم ورحمة الله وبركاته




اليوم جمعت لكم عدة نكت عن الناجحين والراسبين في البكالوريا مع بعض التصرف، إضافةً إلى أمثال وحكم إن شاء الله تستمتعوا بها معنا






قالك واحد بدوي جاب الباك ... أيا خاف يروح للجامعة ويضحكو عليا
قال لوالديه ما نروحش للجامعة ... يضحكوا عليا

قالتله أمه: يا وليدي واش راك تقول؟ يضحكو عليك نهار ... زوج ... والثالث ينساوك
قالها: أمالا خلاص ... خلي حتى للنهار الثالث ونروح






2أصحاب، واحد جاب الباك و الثاني لالا
هذاك اللي ماجابش الباك قرر ينتحر بصح صاحبه اللي نجح ما خلاهش
الخاسر قاله لالا ... لازم ننتحر
قاله الناجح أيا معليش ... بصح لازم ننتحرو في زوج
الخاسر ما أمنش وقاله وأنا شكون يظمنلي؟

قاله الناجح: أنا ننتحر قبلك
قاله الخاسر: أوكي .... تفاهمنا
وانتحر الناجح
فبدا الخاسر يوجد في روحو للإنتحار

جات الموت وقاتله: هاي هاي هاي .. وين بيها؟
قالها: رايح ننتحر
قالتله الموت: اسمحنا خويا ... حنا ما نقبلوش أقل من أصحاب الشهادات




قالك واحد ماجابش الباك ... جا لأمه يجري وهو في حالة ...
قالها: شفتي؟ العام كال وانتي تلعبي حتى بقاو يومين درتي روحك تدعيلي ... هاني ماجبتش الباك





قالك واحد البنت خسرت في الباك عام 2010 راحت تجري وعيطت لرابح سعدان
قالتله: على جال الفريق الوطني ما جبتش الباك
قاللها: ماعليهش يا بنتي ... المهم الأداء ما يهمش النتيجة








حكم وأمثال عن طلاب البكالوريا:




* إذا عجز العقل وجب النقل






* خذ الصفر ولا تبالي فإن الصفر من شيم الرجالي






* درجات الحرارة المتوقعة لدى الطلاب قبل الامتحان من 20 إلى 30 درجة، وفي الامتحان ترتفع إلى 40 درجة، وبعد الامتحان تنخفض إلى تحت 0








* طريق النجاح سالك بصعوبة بسبب تراكم الدروس، ويخشى الانزلاق في مادة الرياضيات بسبب تجمد العقول








* بلاغ:



على جميع الطلاب أن يدرسوا خوفا من تشكل الضباب على وجوهم في أخر العام








* دعاء اليوم : ربي أجعل أول سؤال أسير والثاني عسير والثالث لا حل له ولا تفسير وابعد عين المراقب عني وقرب ورقة الجار مني، ولا تحسبن الذين رسبوا في صفوفهم أمواتا بل أحياءً على أبواب السينما يتدافشون